ناروا ثبت کیا کن کا اشارہ کر کے
دیکھنا ہے یہ تماشا بھی دوبارہ کر کے

حق پسندی نے کہاں چین دلوں کو بخشا
لوگ امید پہ آئے تھے سہارا کر کے

مصلحت پا کے مؤرخ نے کیا دفن اسے
لوگ خوش تھے انہیں یادوں پہ گزارا کر کے

چند تاجر ہیں کچھ عاشق ہیں اور اک دو شاعر
دل کے بازار میں بیٹھے ہیں خسارہ کر کے

اک لقب دے کے اسے نام و نشاں چھین لیا
عشق کا قیس نے یہ نقش ابھارا کر کے

کب لکھے سے ہی ہوا کوئی کسی کا عامرٓ
آپ خود کے بھی ہوئے خود کو گوارہ کر کے

Na rawa sabt kia kun kaa ishara karke
Dekhna hai ye tamasha bhi dobara karke

Haq pasandi ne kahan chayn dilon ko bakhsha
Log ummeed pe aaye the sahara karke

Maslehat paa ke muarrikh ne kia dafn usey
Log khush the unhi yaadon pe guzara karke

Chand tajir hain kuch aashiq hain aur ik do shayar
Dil ke baazaar me baithe hain khasara karke

Ik laqab de ke usey naam o nishaañ cheen lia
Ishq ka qais ne ye naqsh ubhara karke

Kab likhe se hi hua koi kisi ka Aamir
Aap khud ke bhi hue khud ko gawara karke