چلتے جاتے ہیں پر نہیں آتی
آخری رہگزر نہیں آتی

ہم کو بے چین کر کے رکھتی ہے
ایک شے جو نظر نہیں آتی

ذکر اس کا پھر اپنے لہجے میں
آنکھ یوں ہی تو بھر نہیں آتی

بیٹھے بیٹھے خیال آتا ہے
ان کی کوئی خبر نہیں آتی

روز پرسش کو لوگ آتے ہیں
موت جب وقت پر نہیں آتی

نیک صالح تبھی تک ہیں عامر
آنکھ جب تک ادھر نہیں آتی

Chalte jaate hain par nahi aati
Aakhri rehguzar nahi aati

Hum ko bechain kar ke rakhti hai
Ek shay jo nazar nahi aati

Zikr us ka phir apne lehje me
Aankh yun hi to bhar nahi aati

Baithe baithe khayal aata hai
Un ki koi khabar nahi aati

Roz pursish ko log aate hain
Maut jab waqt par nahi aati

Nek Saaleh tabhi tak hain Aamir
Aankh jab tak idhar nahi aati