ہم پہ لازم تھا پہنچنا سو یہاں تک پہنچے
شوق رکتا ہی نہیں چاہے جہاں تک پہنچے

لامکاں سے جو چلے کون و مکاں تک پہنچے
بے کرانی سے گئے ، حدِِّ گماں تک پہنچے

کوئی صحرا کو چلا ، کوئی سمندر کو گیا
تیری آنکھوں کے سخن اہلِ جہاں تک پہنچے

کوئی اپنی بھی تو لے جائے کبھی بات وہاں
کتنے پیغام وہاں سے تو یہاں تک پہنچے

دل کا الجھاؤ ہے داغِ دلِ آدم عامرٓ
دل کو معلوم نہیں داغ یہاں تک پہنچے

Hum pe laazim tha pohonchna so yahan tak pohonche
Shauq rukta hi nahi chaahe jahan tak pohonche

LamakaaN se jo chale kaun o makaaN tak pohonche
Bekaraani se gaye hadd e gumaaN tak pohonche

Koi sehra ko chala koi samandar ko gaya
Teri aankhon ke sukhan ahl e jahan tak pohonche

Koi apni bhi to le jaaye kabhi baat wahan
Kitne paighaam wahan se to yahan tak pohonche

Dil ka uljhaao hai daagh e dil e aadam Aamir
Dil ko maloom nahi daagh yahan tak pohonche